“Оқуға құштар мектеп” жобасы аясында Ақсу қаласы мектептері арасында “Ертегілер әлемінде" квест ойыны өтті. Абай атындағы және Ы.Алтынсарин мектебі, гимназия оқушылары оқыған ертегілері туралы түрлі сұрақтарға жауап беріп, ертегі кейіпкерлерін сипаттау, шатасқан ертегілерді мазмұнына қарай реттеу, түйінді ойды табу, мақал-мәтелдерді ертегі мазмұнына сәйкестендіру сияқты тапсырмалар орындады.

24 ақпан Оқушылар сарайында "Жайдарлы Жас Ұлан" облыстық интеллектуалдық сайысында 11 команда бақ сынасты. Гимназиямыздың "Сәтбаев балалары" КТК командасы 2 жүлделі орынды иеленді. Ал команданың белсенді ойыншысы Абдрахманова Аделия "Үздік ойыншы" атанды. Команда құрамы: Махсатқан Қымбат, Бакраденова Индира, Базар Бауыржан, Ашен Бейбарыс, Канатов Алихан, Абдрахманова Аделия, Омарханова Алуа.

Бастауыш сынып апталығының соңғы күні түрлі сайыстар мен олимпиадаларға, іс-шараларға белсене қатысқан оқушылар марапатталды. "Көркем жазу" байқауына 10 оқушы қатысты: I орын 1, II орын 4, III орын 5 Қазақ тілі пәні бойынша 4- сыныптар арасындағы олимпиада қорытындысы: I орын 1, II орын 2. III орын 2. Математикалық" Алтын сақа " олимпиадасының жеңімпаздары: I орын 2, II орын 4, III орын 4.

Гимназияда ата-аналар арасындағы волейбол жарысы жыл сайын дәстүрлі түрде ұйымдастырылады. Биылғы жарысты өткізуге 6”а” сынып ата-аналары бастамашыл болды. Жарысқа 3, 4, 5, 6 сынып ата аналары командалары қатысты. Тартысты ойын нәтижесінде: ЖЕҢІМПАЗ - 6”А” сынып командасы; 1-орын - 4”Ә” сынып командасы; 2-орын - 5”А” сынып командасы; 3-орын - 3 сынып командасы.

Дарынды мектептер арасында ұйымдастырылған облыстық Тоғызқұмалақ жарысында оқушыларымыз биік жетістіктер көрсетті: 1 орын Каркен Айя,4а сынып оқушысы; 2 орын Төлеу Алихан,10 сынып оқушысы; 2 орын Шахмет Арнұр,8ә сынып оқушысы; 3 орын Асанбай Жадыра, 9а сынып оқушысы. Оқушыларымызды және жетекшілері Хавал Нұртай мен Ермек Маратұлын құттықтаймыз!

Психология апталығының аясында кіші дебат топтарының арасында пікірсайыс болып өтті. Пікірсайыстың мақсаты жас жеткіншектердің шешендік өнерін дамыту, еркін сөйлеп көзқарастарын дәлелдеуге үйрету. Пікірсайыс БПФ форматында болып өтті. Ойынның қарары: "Бұл палата балаларының төмен бағалары үшін ата-аналарына айыппұл салады". Пікірсайыстың жеңімпаздары 5а-сынып оқушылары Амангелді Назира, Жаналхан Айсұлтан.

Бастауыш сынып апталығы барысында "Таңғажайып табиғат", "Алтын асық", "Сөзмерген" танымдық-зияткерлік ойындары өткізілді.

Бастауыш сыныптар апталығы аясында 3-4-сынып оқушылары М.Жұмабаев, С.Торайғыровтың 130 жылдығы, Төле бидің 360 жылдығына орай өмірбаяны мен шығармашылығы туралы таныстырылым әзірлеп, сыныптастарына таныстырды. Сонымен қатар 4-сыныптар арасында қазақ тілінен олимпиада ұйымдастырылды.

Психология апталығында оқушылармен қозғалмалы әрі қызықты ойындар өткізілді. 3-5 сынып оқушылары ойындар арқылы бірігіп әрекет етуге,шешім қабылдауға және қолдау көрсетуге үйренді.

20-25 ақпан аралығында мектебімізде "ПСИХОЛОГИЯ АПТАЛЫҒЫ" өтуде. Алғашқы күн "Қарым-қатынастар күні" деп аталып, керемет акциядан басталды. Бір-бірімізге жылы сөздеріміз бен жарқын көңіл -күйімізді сыйлай білейік.

Облыстық олимпиадада жүлделі орын алған оқушыларымызды және жетекшілерін құттықтаймыз! Каиржанова Аида, Амангелді Нұрәділ – 1 орын, Сайыпова Әсем, Алимова Томирис, Асылхан Альтаир – 2 орын, Жиенхан Сая, Нургалиева Медина, Есельбаев Ардан, Жалешева Айым, Абишева Дильназ, Калмахан Жасмин – 3 орын.

Май ауданы мектептерінің тәрбие жөніндегі орынбасарларымен “Мектепішілік бақылауды ұйымдастыру”тақырыбында онлайн семинар ұйымдастырылды. Семинар барысында директордың тәрбие жөніндегі орынбасары Г.Бакирбекова МІБ ұйымдастырудың ерекшеліктері мен мақсат,міндеттері, түрлері мен формасы, қолданылатын әдістерін таныстырып, өз тәжірибесімен бөлісті.